فاهيتا الدجاج الحاره

احب اقدملكم طبق فاهيتا الدجاج بطريقتي واتمني يعجبكم
المقادير
نص كيلو فراخ فيليه مكعبات +م/ص فلفل اسود مطحون +م/ص سماق+م/ص حبهان مطحون+2م/ص شطة حمرا+م/ص قرفة
فلفل الوان مقطع مكعبات+توم مفروم + جنزبيل فريش مفروم+بصلة مبشورة+ملح حسب الرغبة
2م/ك اورسترشاير صوص او م/ك دبس رمان

بصل مقطع شرايح طولية منقوع في خل او ليمون

الطريقة
نحط شوية زيت في طاسة ونضيف البصلة المبشورة والتوم والجنزبيل

نضيف التوابل ونص كمية الفلفل الالوان عليه ونقلب شوية

نضيف قطع الفراخ عليه

نقلبها ونسيبها تستوي وممكن نضيف شوية مية صغيرين اوي بعد ما تنشف السوائل علشان تستوي كويس

بعد ما تنشف المية نضيف باقي الفلفل الالوان

نقلبه ونضيف البصل المنقوع في الخل او الليمون

نضيف2 معلقة كبيرة اورستر شاير صوص او معلقة كبيرة من دبس الرمان

نقلبه كويس ونطفي علي طول

نغرفه في الطبق

وانا عملت معاه سلطة كابوتشي بالمايونيز

اتمني يكون موضوع بسيط وعجبكم