شيش كفته ع الفحم

اولا مقادير الكفته :
لحمه مفرومه للكفته بقدونس وكسبره خضرا بصل مفروم ناعم - توم مفروم - كيس كاتشب - البهارات ( قرفه , حبهان مطحون , كارى , ملح , فلفل , كمون , كسبره ناشفه ) انتوا عارفين الكفته بتحب البهارات ودى برضه متروكه للحريه اللى عايزه تكتفى بالملح والفلفل بس عادى - بصله , طماطمايه , فلفل اخضر , قطع ليه خروف لو موجود



الطريقه :
طبعا نخلط المكونات السابقه اللحمه والبصل المفروم والتوم والبهارات بس
نصبع الكفته بالحجم المناسب اللى عايزينه
نجهز اسياخ الشيش طاووق ونحط الكفته ونقطع شرايح بصل وفلفل وطماطم وندخلهم فى الاسياخ مع الكفته


نحط عالكفته قطع الليه الصغيره عشان تنزل طعمها عالكفته
والتكه اللى بعملها عشان تخلى طعم الكفته روعه انى بعد مابرصها فى الصينيه بجيب عصير لمونه وشويه توم بودر ادوبهم فى بعض واسقى بيها الكفته وعالفرن علطول

دلوقتى نجهز بقى البطاطس نغلى ميه وطبعا نكون مجهزين صوابع البطاطس
نحطها فى الميه المغليه ونضيف عليها شويه خل ومعلقه كمون بتديها لون وطعم رائع والخل عشان القرمشه وممكن تتخفظ فى الفريزر وتطلع بالطلب

نسيب البطاطس تتسلق حوالى 6 دقايق بس خلى بالك عشان متتهريش تخرج مالحله عالمصفه عالزيت المقدوح علطول

ودلوقتى بقى الكفته طلعت مالفرن


نكون بقى مجهزين الفحم المولع عشان تاخد طعم الفحم كمان ونحطه فى غطاء المخصص للفحم عندى على شويه زيت واكمرى الكفته خالص حوالى 10 دقايق
شوفتوا لونها لانى شغلت الفرن مع الشوايه ومش بس لونها اللى حلو وطعمها كمان جميييييييييل باللمون اللى اتعصر فوقها مخلى الخضار حلو اوى
ودى البطاطس بعد ما طلعت مالنار