احلى ديك رومى

اولاً مكونات الخلطة الاولى : 1بصلة مبشورة - 2 طماطمية معصورة - بشر 2 برتقالة - عصير 1 برتقالة - عصير 1 ليمون - ملح - فلفل - بهارات - هيل - ورق لورا
نخلط المكونات السابقة معا ونشيل منها جزء هنستخدمة بعدين والمكونات اللى فاتت نتبل بيها الديك كويس جدا وبين الجلد واللحم ومن جوا وبرة ونسيبة فى التتبيلة لمدة من 12 الى 24 ساعة وبعدين نسلقة لمدة 1 ساعة عادى ونشيلة من مية السليق نضيف علية الخلطة الثانية
ثانيا الخلطة الثانية : الجزء اللى شلناه من الخلطة الاولى مضاف الية معلقة مستردة وزبادية وعصير برتقالة وندعك الديك كويس من جوا وبرة بالخلطة دى
وبعدين نجيب الخضار اللى يعجبنا بصل وكوسة وجزر او بسلة وفاصوليا او اى خضار نفرشة فى الصنينة ونحط جزء منة جوا الديك ونحطة فى الفرن ومننساش اذا اتبقى شىء من الخلطة صبية فوق الديك فى الصنية ودخلية الفرن لمدة ساعة وانت مغطية بالورق الفويل وبعدين شيلى الفويل وسيبية ساعة كمان عشان يحمر وبالهنا